Cribơyai Lơh sa ƀòn dờng Hồ Chí Minh nam 2024 geh lơh bơh ngai 24 tus ngai 27 nhai 09 nàng kờñ lơh geh Broă lơh tam gơl lơh sa mờ măi mok bơh ƀòn dờng Hồ Chí Minh dê.

Tàm dơ̆ cribơyai drim ngai 25 nhai 09, cribơyai neh iat ală jơnau yal cribơyai bè: Broă rơndap lơh tam gơl lơh sa mờ măi mok ƀòn dờng Hồ Chí Minh tàm tŭ tơngai bơrkuăt bal kơnhoàl ù tiah, ală lơgar mờ gùng dà broă lơh măi mok pa, tàm hơ̆ đal git tŭ tơngai bơtàu tơnguh mờ tam gơl lơh sa mờ măi mok bơh ƀòn dờng Hồ Chí Minh dê. Ƀùi mho, geh lơh dơ̆ tìp mat tơm boh bơr broă lơh đah Thủ tướng Cíñ phủ, Kwang đơng lam bồ Ƀộ, Gah broă lơh dà lơgar, Củ tịc Anih duh broă ƀòn dờng, Kwang đơng lam bồ ală càr, ƀòn dờng tàm lơgar Việt Nam mờ nac jà, ală tập đoàn dờng tàm lơgar mờ ală lơgar. Dơ̆ tìp mat tơm boh bơr do rơp tơrgùm tàm broă ai tơlik lài gùng dà, broă lơh dong kờl lơh sa bơh Việt Nam dê tàm tŭ tơngai pa, ngan là tàm broă tam gơl lơh sa mờ măi mok.