VOV4.K’ho- Di dơ̆ tơngkah kis rơntai 60 nam Ngai bơhiàn Mpồl Kảñ sát làng bol mờ dờp rò Gai lòng Hồ Chí Minh geh lơh tàm mang ngai 17/07 tàm Hà Nội, Thủ tướng Cíñ phủ ồng Phạm Minh Chính pơyua jơnau gờm chờ niam bơnĕ ngan rlau jơh tus mờ ală cau kwang ling bal mờ jơh ală kwang bàng, cau ling tàm mpồl kwang àng làng bol, kảñ sát làng bol Việt Nam, ală cau cih tai ală jơnau đơs crih jờng rơ bơta khin cha jak chài tam lơh jai pha bơh rài pa dê.

Đơs tàm dơ̆ bơyai lơh, Thủ tướng Cíñ phủ ồng Phạm Minh Chính đơs sùm tàm jơh ală broă lơh bơ̆t bơtàu, tam lơh mờ dờng pràn, kảñ sát làng bol Việt Nam neh tơngŏ jrô ơnàng, loh làng ngan nùs nhơm dòn song ngan mờ Đảng, Dà lơgar mờ làng bol, mờ rài ătbồ xã hội củ nghĩa. Tàm tơngai tus, broă tàm dunia mờ tàm tiah do geh ală tŭ niam, bơta ƀươn mờ kal ke, bơta lòng tàm bơrlŭ bal. Mờ gơnoar broă mpồl cau tờm, rơcăng lài, Thủ tướng sồr, Mpồl kảñ sát làng bol pal gĭt wă jrô ơnàng tŭ tơngai broă gơlik geh, jơh nùs tam gơl pa bơta kơlôi sơnơng, broă lơh, lơh gơlik bơta pràn tơrgùm bal; bơsong ală bơta gam ờ hềt pràn, ờ hềt niam mờ lơh jăt gơ in niam ngan ală kơnòl broă, broă lơh tờm mờ Thủ tướng sồr lơh.

Cau mblàng Lơ Mu K’Yến