Đơs tàm dơ̆ tơngkah, Thủ tướng đơs loh, Đảng, Dà lơgar he sùm is ồn ngan sền gròi tus jak chài măi mok mờ tam gơl pa bơceh lơh, sền do là dùl tàm ală broă lơh kwơ màng lam lài ai bơtàu tơnguh mhar mờ kơ̆ kơl jăp. Thủ tướng đơs sùm, tam gơl pa bơceh lơh geh gơtha is ồn kwơ màng tàm tơl broă lơh bơh rài kis mpồl bơtiàn, tàm tơl gah broă, broă bơh rài lơh sa dê.

Bè ală kơnòl broă, broă lơh bal Thủ tướng đơs wih đơs wơl, pal tơrgùm lơh sir kơrnoat boh lam, broă dong kờl pơn jờng mpồl lơh sa kă bro bơcri priă tàm gah jak chài măi mok, tam gơl pa bơceh lơh, gàr niam broă tus bal bơh ală priă jền mờ phan bơna bơt bơtàu kờñ pal geh ai bơta bơtàu tơnguh in. Sơlơ tơnguh tai bơcri priă bơtàu tơnguh ală rơndăp tăp sèng bơt bơtàu phan bơna, ngan là phan bơna kwơ màng bè gùng lòt, năng lượng, phan bơna viễn thông; bơtàu tơnguh mpồl cau lơh broă geh bồ tơngoh jak uă.