Đơs tàm dơ̆ tơngkah, Thủ tướng ồng Phạm Minh Chính đơs sùm, tàm tơngai kah yau bơt bơtàu Dà lơgar mờ sền gàr Dà lơgar bơh jơi bơtiàn he dê, bulah uă dơ̆ tam gơl nhàr kơnhoàl ù tiah mờ mat sơnđan, Quảng Bình sùm là “ù tiah ndu gơnrơh mờ uă cau jak chài”, geh tiah kwơ màng ngan bơh Dà lơgar dê, là tiah tờm kwơ màng bơh uă rài Bơtau, tiah sền gŏ uă bơta tam gơl bơh kah yau dê, kong uă bơta jê sồt tam cah is mờ sơnđờm ai tŭ tơngai pờ ù tiah rê tiah đah jum Dà lơgar bơh Dà lơgar Việt Nam dê.

Tàm tơngai tus, jat tàm ală bơta kơ̆ kơl jăp mờ ală cồng nha kwơ màng lơh geh tơnơ̆ mờr 50 nam tơrgùm dùl Dà lơgar, 35 nam crơng gơs wơl càr, bal mờ rài tơnơ̆ do àng niam bơh Dà lơgar dê, càr Quảng Bình geh tŭ tơngai dờng màng bơtàu tơnguh mhar ngan gơ gơs càr bơtàu tơnguh bơh tiah tàm gùl lơgar mờ tờm ngan là bơtàu tơnguh drơng broă lòt nhơl; lơh sa mờ măi mok sàng goh, năng lượng lơh gơlik wơl, lơh gơlik, mòn lơh; lơh sa suơn sre ngui măi mok pa, brê bơnơm, geh kơnòl mờ kơ̆ kơl jăp.