Ồng Phạm Minh Chính, Thủ tướng Cíñ phủ tus mờ geh jơnau đơs tàm dơ̆ pơrjum. Ala măt kwang đơng lam Đảng, Dà lơgar, Thủ tướng Cíñ phủ ồng Phạm Minh Chính neh chờ gờm, pơn jờng broă lơh ngan mờ cồng nha neh lơh geh bơh ală cau lơh, mpồl cau lơh mờ Cau kơnòm să gùt ling klàng.

Thủ tướng đơs loh, tàm tơngai tus, bơta tàm dunia, tàm tiah do yal lài pơn jăt tai gơtìp mhar, kal ke, ờ git lài. Tàm bơta hơ̆, dà lơgar he gam lơh ngan bơ̆t bơtàu lơh sa krơi is, lơh tờm pơgồp bal mờ lơh ngan, rơcang lài tơrgùm mờ dunia jrô ơnàng, mùl màl, geh cồng nha; lơh pràn tam gơl pa bơceh pa mờ ngui, tơnguh bơtàu khoa họk kông nghệ; ngui geh ală jơnau bơceh lơh, bơceh pa, ală kông nghệ gơguh jăk. Kwơ màng, kơnòl bơ̆t bơtàu ling klàng gam geh ai jăt bơta pa, bơta tờm là bơ̆t bơtàu Ling klàng làng bol kăc màng, pràn kơl dang, ngăc ngar, lơh pa; pràn bè cíñ trị, bồ tơngoh, nùs nhơm, broă bơyai lơh mờ kwang bàng.