Đơs tàm dơ̆ pơrjum tơnkah, Thủ tướng Cíñ phủ ồng Phạm Minh Chính neh yal wơl rài kis bal mờ broă lơh kăc màng bơh ƀồc ồng Võ Văn Kiệt dê, Thủ tướng đơs tờm, rài kis bal mờ broă lơh kăc màng bơh ƀồc ồng Võ Văn Kiệt là cau geh pơnrơ jăk bơh cau ling klăc màng jăk chài dê, kwang đơng lam jăk ngan, jơh rài kis tài dà lơgar, tài làng bol.

Mờ lơh broă lơh tờm, nền nòn, jơnau đơs geh bal mờ broă mùl màl, đơs lòt bal mờ broă lơh, ƀồc ồng Võ Văn Kiệt neh pơgồp bal kwơ màng tàm broă lam sồr ală làng bol tus bal lơh jăt gùng dà broă lơh tam gơl pa geh Đảng lam lơh mờ đơng lam. Thủ tướng đơs tờm, lài mờ tŭ ai geh ală kơrnoăt kwơ màng lơi, tàm hơ̆ uă ngan là ală kơrnoăt geh gơrềng tơn tus mờ broă tơnguh bơtàu lơh sa mpồl bơtiàn dà lơgar dê bal mờ rài kis làng bol, ƀồc ồng Võ Văn Kiệt ndrờm lùp jơnau đơs bơh ală cau jăk chài mờ ai is să tờm kơlôi sơnơng, iăt ală jơnau đơs pơgồp bal bơh làng bol dê.