Pơrjum WEF Đại Liên nam 2024 geh bơta tus bal bơh 1 rbô 600 nă kwang ala mat dê. Thủ tướng Cíñ phủ ồng Phạm Minh Chính là dùl tàm khà êt kwang atbồ Cíñ phủ geh WEF mờ lơgar tờm lơh Cribơyai là Lo jà tus bal Pơrjum tàm 2 nam pơn jat sùm. 

Bơta do ai tơnggŏ WEF mờ Lo jơh nùs sền dờng màng gơnoar broă mờ bơta tă pơgồp bơh Việt Nam dê ai gơguh lơh sa gùt plai ù kung bè broă rơndap lơh bơtàu tơnguh bơh Việt Nam dê gơ wèt mờ rài lơh sa tàm tơnơ̆ do. Tàm pơrjum, Thủ tướng Cíñ phủ kờp dŭ rơp geh broă lơh uă ngan, tàm pơn jat sùm, jơh bal 2 gah mờ uă gah. Kuơmàng nam do, dơ̆ sơn rờp Thủ tướng Cíñ phủ rơp geh dùl jơnau đơs kuơmàng tàm Dơ̆ mut pơrjum bal mờ Thủ tướng lơgar Lo ồng Lý Cường mờ kwang đơng lam bồ ală lơgar. Bơdìh hơ̆ tai, Thủ tướng Cíñ phủ rơp đơs tàm ală dơ̆ cribơyai tàm pơrjum, đơng lam ală dơ̆ tìp mat tơm boh bơr, cribơyai mờ ală mpồl lơh sa kă bro lời is ai Việt Nam.