Ninh Bình là càr ơm tàm tiah lồi đah jum tiah ring dà dờng Hồng, geh anih ơm kwơmàng ngan jơh bal bè ciñ trị, lơh sa mờ sền gàr dà lơgar, lơngăp lơngai; là mpồng mŭt tiah đah jum bơh tiah đah tô dà lơgar dê. Thủ tướng đơs loh, jơnau kờñ tơrgùm bal bè rơndăp ù tiah càr là tus nam 2030, Ninh Bình là càr di mơ đao.

Tus nam 2035, càr Ninh Bình gơgơs là ƀòn dờng gơ wèt  Dà lơgar mờ bơta mùl gŏ is tiah drà phan lời wơl rbô nam, ƀòn dờng bơceh lơh; dùl tiah tờm sơnđờm mŭt lơh broă tam gơl pa bơceh lơh. Nàng lơh geh ngan ngồn jơnau kờñ hơ̆, Thủ tướng sồr, càr Ninh Bình pal sền gròi, tơrgùm lơh jăt hòi tơrgùm mờ ngui geh cồng nha jơh ală bơta pràn, tam gơl pràn tàm ală gơn kơnờm gơguh lơh sa pa bè lơh sa tơlir, lơh sa sồ, lơh sa tàm pơdar, lơh sa tam pà bal, lơh sa bồ tơngoh jak, rơcăng lài sơrlèt mờ tam gơl nhơm trồ tiah, bơtàu tơnguh kơ̆ kơl jăp.