Đơs tàm dơ̆ sơnđờm ai ngui, Thủ tướng Cíñ phủ ồng Phạm Minh Chính jờng rơ uă ngan mờ jờng rơ bơta jơh nùs lơh ngan, nhăp nhar, bơceh lơh, jơh nùs tam gơl nùs nhơm bồ tơngoh, broă kơlôi sơnơng, broă lơh bơh ală kấp ủy Đảng, gơnoar atbồ ƀòn dờng Hà Nội kung bè bơta pơnđơl pràn lơh ngan bơh Mpồl atbồ mờ ală cau tờm bơcri priă lơh dê.

Nàng lam lơh ală bơta bơtàu tơnguh rơndăp tăp sèng phan bơna gùng lòt tàm ù tiah ƀòn dờng Hà Nội dê jat rơndăp ù tiah, lơh jăt niam uă ngan rlau jơh cồng nha bơcri priă lơh ală rơndăp broă lơh, Thủ tướng sồr Ủy ƀan Ñân zân ƀòn dờng tơrgùm lam lơh jat bàr pe kơnòl broă tờm là: Mhar lơh sir rơndăp broă lơh rơndăp ù tiah bal bơt bơtàu càr lơgar Hà Nội tus nam 2030 mờ rơndăp broă lơh tus nam 2050 yal mờ Thủ tướng Cíñ phủ in ring bal lơh bơnàng jă nàng lam lơh jăt.