Đơs tàm Cri bơyai, Thủ tướng Cíñ phủ ồng Phạm Minh Chính đơs nền, tàm bơta dunia tŭ do, bơtàu tơnguh kơl jăp, tơrgùm bal mờ gơguh tơlir gơs jal mhar rơlao tŭ lơi jơh gơwèt mờ jơh ală lơgar; tàm hơ̆, bơta niam chài gơguh gơs bè dùl bơta pràn bơh broă bơtàu tơnguh kơl jăp dê, kơnờm mờ hơ̆ dong kờl lòt nhơl gùt plai ù gơguh wơl mờ khà mhar rơlao mờ jơnau yal lài.

Jăt Thủ tướng đơs, lơgar Việt Nam mờ lơgar Hàn Quốk là bàr lơgar tàm câu Á mờ uă bơta ndrờm bal tàm bơta niam chài mờ rài lài do, tàm rơlao 30 nam do, bơta git gơ̆p đah lơgar Việt Nam mờ lơgar Hàn Quốk geh ală bơta bơtàu tơnguh pràn, gơs lơgar Lơh broă bal jŏ jòng tơl ală bơta tàm nam 2022 mờ gam tàm tơngai bơtàu tơnguh niam bơnĕ ngan mờ ƀuơn ngan bơh lài tus tŭ do. Tàm hơ̆ kwơ màng ngan lơh broă bal bè lòt nhơl mờ bơta niam chài là dùl bơta niam.