Đơs tàm pơrjum, Thủ tướng pà git, bơta git gơ̆p, lơh bơyô bal mờ lơh broă bal đah lơgar Việt Nam mờ lơgar Bỉ gam geh tơngŏ niam bơnĕ ngan mờ geh gơguh mờ tơnguh bơtàu tàm jơh ală gah broă bơh cíñ trị, lơh sa, bơta chài rơgơi, bơto bơtê...

Tŭ do, lơgar Bỉ geh khà priă dan bơcri tàm lơgar Việt Nam tus mờr 1 tơmàn 100 tơlăk dolar Mỹ; khà priă kă bro bàr đah bơh lơgar Việt Nam mờ lơgar Bỉ kờp dŭ nam 2022 geh mờr 5 tơmàn dolar Mỹ. Thủ tướng kơ̆p kờñ ală mpồl lơh sa kă bro lơgar Bỉ mờ câu Âu pơn jăt tai lơh geh uă bơta phan, lơh geh uă bơta drà kă bro, lơh uă ală anih lơh gơlik phan... nàng chồl pràn lơh sa kă bro geh cồng nha kơl jăp tàm lơgar Việt Nam; sồr ală mpồl lơh sa kă bro lơgar Bỉ mờ câu Âu pơn jăt tai bơcri priă mờ hòi jà tai geh ală mpồl lơh sa kă bro tàm lơgar Bỉ mờ câu Âu bơcri priă tàm lơgar Việt Nam.