Anih tờm Drà ràng tơlik phan kă bro dà lơgar mờ bơta ơnàng tus 90 lồ, gơwèt Mpồl 10 anih ràng tơlik drà kă bro phan dờng ngan dunia dê, mpồl lơh phan kờp dŭ rơ̆p là “anih niam pa” bơh Càr lơgar dê. Rơndăp broă lơh do geh lơh tềng mpồng mŭt tiah đah tô măt tơngai lik ƀòn dờng Hà Nội, bơta tờm bơh ală gùng lòt kwơ màng tus ală càr, tàm hơ̆ geh gùng ù gờl, gùng rơndeh par mờ metro neh geh rơndăp lơh.

Anih tờm ràng tơlik drà kă bro phan Dà lơgar là rơndăp broă lơh tờm dà lơgar dê tàm gah kă bro phan, broă lơh drơng ala Anih ràng tơlik lài do tàm Giảng Võ mờ là anih tus bơh ală lơgar dê ai broă lơh kă bro phan, ràng tơlik phan dờng ngan gùt plai ù dê, mŭt lơh gah lơh sa Expo uă bơta. Do là bơta tờm kwơ màng ai geh tiah ală lơgar in nàng ală mpồl lơh sa tàm lơgar mờ lơgar bơdìh tìp bal, tơrbŏ bal, hòi jà kă bro phan, mờ là bơta pràn pa ai broă gơguh lơh sa bơh Càr lơgar Hà Nội in.