Nam 2022 broă lơh mờ lơgar ndai là dùl bơta àng geh cồng nha. Broă lơh mờ lơgar bơdìh neh geh lơh pràn tơl ală bơta mờ jơh ală lơgar dờng mờ jơh ală lơgar lơh broă tờm, ai tơngŏ bơh mờr 70 broă lơh mờ lơgar ndai kâp dờng bơh Kwang đơng lam Đảng, Dà lơgar, tàm hơ̆ geh 14 dơ̆ tus còp bơh he dê tus 17 lơgar; tus bal 5 pơrjum dunia uă lơgar; git nđờ rơhiang dơ̆ tìp bal đah bàr lơgar mờ kwang đơng lam, gơnoar atbồ ală lơgar tàm dunia; wă rò 19 mpồl kwang đơng lam kấp dờng bơh ală lơgar tus còp lơgar Việt Nam.

Ala măt Kwang đơng lam Đảng, Dà lơgar, Thủ tướng ồng Phạm Minh Chính dờp, pơn jờng mờ đơs niam ală broă lơh ngan dờng, lơh ngan uă mờ ală cồng nha kwơ màng pa geh đơs do bơh gah lơh broă bal mờ lơgar ndai đơs bal mờ Ƀộ Ngoại giao đơs is pơgồp bal kwơ màng tàm cồng nha bal bơh ală lơgar tàm nam 2022; tơlik broă lơh geh cồng nha tàm broă lơh jăt gùng dà broă lơh bal mờ lơgar ndai “nùs nhơm niam, song dơ pă, pin dờn, ring bal, git jơnau bal, geh cồng nha, tơnguh bơtàu bal”.