Tàm pơrjum, Ala măt Cíñ phủ, Thủ tướng ồng Phạm Minh Chính neh pơn jờng, chờ gờm mpồl rơcang sơndră mờ cau tìs bè ma tuý neh tam dră geh cồng nha 3 bơta tìs 322D, 822T, 922T mờ bè ală cồng nha kwơ màng neh lơh geh tàm tơngai do; pơgồp bal tàm broă sền gàr bơta lơngăp lơngai, ờ do ờ dă mpồl bơtiàn, drơng geh cồng nha kơnòl tơnguh bơtàu lơh sa, bơta chài rơgơi, mpồl bơtiàn.

Tàm tơngai tus, Thủ tướng sồr, git ală bơta gơlik geh pơn jăt tai lơh niam broă pơlam mờ kấp ủy, gơnoar atbồ ală kấp nàng tơnguh broă đơng lam, lam sồr lơh geh cồng nha ală cỉ thị, nghị quyết bơh Đảng, Quốk hội, Cíñ phủ; adăt boh lam, broă lơh jŏ jòng, broă lơh bè sơndră mờ ma tuý; hòi jà bơta pràn tơrgùm bal bơh ală anih lơh broă cíñ trị mờ gùt làng bol tus bal tàm broă sơndră mờ ma tuý.