Bơta tờm bơh Pơrjrum do là cri bơyai bè ală bơta lòng, bơta kal ke mờ bơta glar bòl geh ai cau ùr in tŭ dờp ală broă sền gàr ờ geh tơm priă nhai mờ gơrềng bal mờ hơ̆ là ală bơta ờ niam uă bơta gơwèt mờ gơnoar broă mờ broă pơgồp bal bơh cau ùr dê bè bơta ờ ring bal cau klao mờ cau ùr, ờ hoan geh tìp mờ broă bơto bơtê, broă lơh, tam lơh pù pờng geh ai tàm tơngu me cau klao mờ cau ùr.

Đơs tàm Pơrjum, Thủ tướng ồng Phạm Minh Chính đơs nền tus mờ ală broă pơgồp bal dờng màng bơh cau ùr dê, là cau dong kờl kơ̆ kơl jăp tơnguh uă bơta niam rài kis bơh tơl hìu nhă dê, mờ là ală cau lam lài tàm broă lơh pràn broă bơtàu tơnguh kơl jăp mpồl bơtiàn in. Thủ tướng kung tam pà bal mờ Pơrjum cồng nha lơh jăt ală jơnau kờñ dà lơgar dê bè ring bal cau klao mờ cau ùr nam 2023 bơh lơgar Việt Nam dê.