VOV4.K’ho - Drim òr (21/04), Tổng kụk dia Việt Nam bơyai lơh pơrjum yal broă lơh sră tăc blơi phan điện tử gùt lơgar. Tus bal mờ geh jơnau đơs tàm pơrjum, Thủ tướng Cíñ phủ ồng Phạm Minh Chính sồr, Gah tă dia pal tơnguh broă ngui kông nghệ pa tàm broă atbồ, gàr niam broă yal tă dia điện tử niam mờ ƀuơn ngan; lơh ngan tus nam 2022, jơh ală sră nggal tàm gah tă dia geh lơh mờ broă lơh điện tử pơgồp bal mờ Anih drơng broă dà lơgar.

          Thủ tướng ồng Phạm Minh Chính tus pơrjum yal broă lơh pang sră tăc blơi phan điện tử gùt lơgar

Thủ tướng ồng Phạm Minh Chính đơs là, tam gơl số là broă pal geh lơh, gam geh lơh pràn kơl dang, jrô ơnàng tàm gùt lơgar mờ dunia. Đảng, Dà lơgar he sền kwơ ngan mờ sền do là dùl tàm ală kơnòl tờm lài ngan. Thủ tướng sồr, tàm tơngai tus, gah tă dia pal pơn jăt tai kơ̆ dơn nùs nhơm, jơnau kờñ là bơ̆t bơtàu broă lơh sră nggal tă dia ndrờm bal, ring bal, geh cồng nha, geh bơta ring niam uă.

Cau mblàng Ndong Brawl