Jơnau yal tàm broă sền mùl màl Gơlang Củ tịc Hồ Chí Minh, kwang drơng broă Mpồl Atbồ Gơlang Củ tịc Hồ Chí Minh, Kwang đơng lam Ƀộ tư lệñ 969, Đại tá ồng Phạm Hoài Trung pà git, lơh jăt kơnòl geh jào, Mpồl Atbồ Gơlang neh rơcang lơh broă rơndăp lơh, rơcang niam bè cau lơh broă, phan lơh broă, gùng dà broă lơh, pal geh lơh niam mờ lơh gơs di tơngai neh geh ai.

Tơnơ̆ mờ tŭ lơh niam wơl, ƀồc Củ tịc Hồ Chí Minh pơn jăt tai geh prăp gàr tàm bơta niam ngan; phan măi mok kĩ thuật lơh broă kơl jăp, di, pin dờn, gàr niam khà rơcang lài; ù tiah, broă lơh Gơlang mờ ală broă lơh gùt dar dờng ơnàng, kloh niam rơlao; kwang bàng, cau lơh broă, cau ling geh tai broă lơh mờng chài, tơnguh uă bơta ngăc ngar lơh broă mờ di pal mờ jơnau kờñ kơnòl cíñ trị bơh mpồl lơh broă dê.