Thủ tướng jờng rơ cồng nha Pơrjum lam lơh jat Jơnau ring bal broă rơndap lơh lơh broă bal đah Việt Nam mờ Lào nam 2024 mờ kờp sền, sồr lơh geh Jơnau lơh nền lơh broă bal 2 lơgar Việt Nam – Lào tơngai bơh nam 2021 tus nam 2025; jờng rơ gơnoar broă bơh Anih duh broă lơh broă bal 2 lơgar neh lơh ngan, pơgồp bal mờ ală anih lơh broă geh gơnoar 2 gah tàm 6 nhai bồ nam 2024 tă bơsong uă kal ke, kòl yan tàm ală rơndap broă lơh broă bal kuơmàng, sơlơ tơnguh tai lơh broă bal tàm uă broă. 

Thủ tướng sồr Cíñ phủ Lào pal tam gơl niam anih bơcri priă kă bro, bơsong di tŭ ală kòl yan bơh mpồl lơh sa kă bro Việt Nam dê bơcri priă tàm lơgar Lào; lơh niam wơl sră pơ àr gơnoar atbồ, dong kờl, ai geh bơta ƀuơn tàm broă lam lơh ală rơndap broă gam lơh mờ lam lơh ală rơndap broă lơh pa, tơrgùm tàm ală broă bè năng lượng, chah, tơnhàu, lơh gơlik phan kuơ tàm ù, broă lơh sa, lòt nhơl, bơto bơsram,…