Thủ tướng ồng Phạm Minh Chính đơs nền lơgar Việt Nam lài kung bè tơnơ̆ lơh jăt broă lơh bal mờ lơgar ndai krơi is, lơh tờm, uă gùng dà, uă bơta, là bơyô, là lơgar lơh broă bal pin dờn, là lơgar geh kơnòl bơh mpồl bơtiàn ală lơgar dê tài jơnau kờñ ring lơngai, lơh broă bal bơtàu tơnguh tàm tiah do mờ tàm dunia; sền kwơ mờ kơ̆p kờñ bal mờ lơgar Nhờk lơh jăt mùl màl, geh cồng nha broă lơh git gơ̆p Tam klăc bal Jŏ jòng tơl ală bơta tài ring lơngai mờ pas gơs tàm câu Á mờ tàm dunia.

Tàm dơ̆ wă, bàr gah neh cri bơyai bè bơta tàm dunia mờ tàm tiah do. Bàr gah đơs nền tus bơta kwơ màng bơh broă gàr niam lơngăp lơngai, khăt gơboh gùng rơndeh par, gùng lòt dà lềng tàm Dà lềng đah măt tơngai lik, bơsong ală broă tam phà mờ broă ring lơngai tàm tơngu me adăt boh lam dunia dê, tàm hơ̆ uă ngan là Hiến cương Liên hợp quốk mờ Kông ướk bơh Liên hợp quốk bè Adăt Dà lơgar (UNCLOS) nam 1982.