Tàm dơ̆ wă, bàr nă kwang đơng lam bồ chờ gờp sền gŏ bơta git gơp đah Việt Nam mờ Tây tơnơ̆ 10 nam lơh bơta git gơp Lơh broă bal kuơmàng (2014 – 2024), ngai sơlơ bơtàu tơnguh niam bơnĕ jat bơnàng jă bơta gơ gơs bơyô mờ ală đềt mềr tàm uă gah, bơh kah yau, niam chài, bơceh lơh hìu đam, kòn bơnus tus lơh broă bal bè cíñ trị, lơh sa, bơto bơtê, sền gàr dà lơgar, sền gàr lơngăp lơngai, rơcang lài kơryan kòp Kovid-19. 

Nàng sơlơ tơnguh rlau tai, ai bơta git gơp đah Việt Nam mờ Tây guh tus bơta pa, lơh geh bơta niam tàm ală bơta, ngan ngồn mờ geh cồng nha rlau, Thủ tướng ồng Phạm Minh Chính sồr 2 gah pơn jat tai sơlơ tơnguh cribơyai broă mpồl kwang bàng ală kâp, ngan là kâp dờng, rơcang lài gơ in ai dơ̆ lòt còp Việt Nam mờr tus bơh Kwang atbồ lơgar Tây ồng Macron dê in; kung bè sơlơ tơnguh pràn lơh broă bal đah ală ƀộ, gah broă lơh, ală tiah.