Tàm dơ̆ wă, Thủ tướng sồr bàr gah pơn jăt tai lơh pràn ală dơ̆ tus còp, tìp bal kấp dờng đah kwang đơng lam kấp dờng bàr lơgar, ngui geh cồng nha ală jơnau ring bal, gùng dà broă lơh broă bal tŭ do; bal mờ lơgar Lào geh lơh sùm, tơnguh broă lơh mờ ngui nùs nhơm tam klăc bal, lơh broă bal đah 03 lơgar Việt Nam, Lào mờ Campuchia.

Bal mờ hơ̆, pơn jăt tai tơnguh uă rơlao tai cồng nha lơh broă bal lơh sa, bơ̆t bơtàu gah lơh sa krơi is, lơh tờm is, tơrgùm bal lơh sa jrô ơnàng, geh cồng nha bơh tơl lơgar dê; pơn jăt tai lơh pràn broă tơrbŏ bal đah bàr gah lơh sa, geh bal phan bơna kơ̆ kơl jăp mờ bè gùng dà broă lơh, wèt tus bal jơnau kờñ gờñ geh 20 tơmàn dolar Mỹ kă bro bal đah bàr lơgar dê.