Thủ tướng đơs tờm, lơgar Việt Nam sùm đềt mềr, jơh nùs dong kờl lơgar Lào jăt mờ bơta pràn nàng sơrlèt bal kal ke, pơn jăt tai tơnguh bơtàu. Tàm gah lơh sơnơm, geh pơnrơ ngan là ală broă lơh broă bal tàm broă kham, sơm kòp, bơta cau lơh broă gah lơh sơnơm, sền gròi kòp gơtờp mờ dong kờl tơnguh broă atbồ broă lơh sơnơm; tàm tơngai kòp Kovid-19 gơtờp, ală broă dong kờl sơnơm vaccine, phan lơh broă, phan lơh sơnơm, tam pà bal broă mờng chài mờ ai cau jăk chài tus lơh broă neh pơgồp bal dong kờl bàr lơgar rơhời geh sền gròi mờ sơrlèt mờ kòp gơtờp.

Tàm tơngai tus, Thủ tướng sồr bàr Ƀộ Y tế bàr lơgar pơgồp bal lơh broă rơndăp lơh mùl màl, lơh jăt geh cồng nha ală jơnau ring bal kấp dờng đah bàr lơgar; pơn jăt tai tam gơl broă mờng chài, tàm hơ̆ uă ngan là tàm broă lơh pràn broă tam gơl sồ, kham sơm kòp bơh ngài...; dong kờl, ai tơl bơta niam tàm broă kham sơm làng bol lơgar Lào in tàm ală hìu sơnơm lơgar Việt Nam; tơnguh broă bơto broă lơh tàm gah lơh sơnơm, pờ ơnàng tai ală gah bơto di pal mờ broă kờñ tŭ do lơgar Lào dê.