Thủ tướng đơs nền, lơgar Việt Nam sùm sền dờng màng bơta gĭt gơ̆p đah Việt Nam mờ Israel. Jờng rơ 2 rài lơh sa geh uă bơta ƀuơn, bơta pràn dong kờl bal, Thủ tướng sồr 2 gah gờñ lam lơh jăt geh cồng nha Hiệp địñ Kă bro khat gơboh đah lơgar Việt Nam mờ Israel mờ kơlôi sơnơng cribơyai, kĭ hơ jơnau ring bal lơh broă bal tàm gah lơh sa mờ măi mok đah 2 lơgar dê; lơh geh bơta ƀuơn ai ală broă lơh tam pơgơl mpồl lơh broă mpồl lơh sa kă bro bal mờ gơ̆p, pơgồp bal bơyai lơh ală broă lơh gơ hòi gơ jà kă bro, tàm tơrbŏ bal kă bro; lơgar Israel sơlơ blơi ală phan geh bơta ƀuơn, bơta pràn bơh lơgar Việt Nam dê bè phan lơh geh bơh lơh sa suơn sre, phan tàm dà, biăp bùm kơnuh plai đo ris, phan ngui sa lơh gơlik mờ ală phan bơna ngui pah ngai.

Thủ tướng sồr 2 gah lơh pràn lơh broă bal bè tam gơl pa bơceh lơh, gah broă ngui măi mok pa, lơh broă bal bè dà lềng, rcang sơndră tam gơl trồ tiah, tàm hơ̆ geh lơh broă bal rcang sơndră trồ prang soăt dà tàm ală càr tiah tàm gùl lơgar, bơto bơtê cau lơh broă jak.