Do là Tập đoàn Kông nghệ thông tin lam lài lơgar Ấn Độ dê, mờ kờp jơh priă bơcri pơgap 70 tơmàn dolar Mỹ, geh rlau 320 rơbô nă cau lơh broă mờ priă lơh geh nam 2023 geh rlau 18 tơmàn dolar Mỹ. Thủ tướng ồng Phạm Minh Chính tơngŏ niam ngan bè broă lơh, gơnoar broă mờ bơngă bơh Tập đoàn Infosys dê, kung bè gơnoar bơh ồng Narayana Murthy dê gơwèt mờ drà kông nghệ thông tin, phần mềm bơh lơgar Ấn Độ dê đơs is mờ dunia đơs bal.

Thủ tướng ồng Phạm Minh Chính jờng rơ uă ngan dơ̆ tìp, tam bơh bơr geh cồng nha ngan bơh ồng Narayana Murthy dê mờ ală kông ty, cau jak chài mờ cau bơsram dờng lơgar Việt Nam. Jat tàm bơta gĭt gơ̆p niam bơnĕ mờ lơgar Ấn Độ, Việt Nam jờng rơ, rcang lơh geh ală bơta ƀuơn ngan mờ kơ̆p kờñ ală Tập đoàn dờng bơh lơgar Ấn Độ dê bơcri priă lơh broă bal jŏ jòng tàm lơgar Việt Nam tàm gah lơh sa sồ, kông nghệ thông tin, lơh sa mờ măi mok phần mềm, bồ tơngoh kòn bơnus lơh gơlik, ƀán zẫn.