Củ tịc Mpồl Nghị sĩ gơ̆p bơyô ồng Márcio Honaiser đơs niam bơta git gơ̆p đah bàr Quốk hội geh ală bơta bơtàu tơnguh niam tàm tơngai pa do; mờ pà git, Hạ viện lơgar Brazil ờ mìng kơ̆p kờñ tơnguh bơta git gơ̆p đah lơgar Brazil mờ Việt Nam mờ kơ̆p kờñ lơgar Việt Nam geh bơta git gơ̆p niam mờ Mpồl bơtiàn drà kă bro đah jum câu Mỹ, kung bè đah lơgar Brazil mờ Mpồl ală lơgar đah jum măt tơngai lik câu Á.

Ring bal mờ ală jơnau đơs bơh ală Nghị sĩ lơgar Brazil dê, Thủ tướng Cíñ phủ hòi jà Hạ viện, Thượng viện lơgar Brazil mờ Quốk hội lơgar Việt Nam tơnguh broă pơgồp bal, dong kờl bal nàng lơh pràn ală dơ̆ tìp bal kấp dờng mờ pơgơl mpồl ală kấp tàm tơngai tus; tơnguh ală broă lơh lơh broă bal đah bàr Quốk hội tàm ală gah broă tam pà bal broă mờng chài lơh adăt boh lam, tơnguh gơnoar Quốk hội tàm mpồl cíñ trị , broă lơh cri bơyai bal mờ lơgar ndai nghị viện, pơgồp bal mờ kờñ bal tàm ală pơrjum nghị viện dunia uă lơgar dê.