Tàm dơ̆ wă, Thủ tướng ồng Phạm Minh Chính đơs niam FIATA neh dong kờl Mpồl tam klăc Mpồl lơh sa kă bro broă lơh drơng ala logistics Việt Nam dờp bơyai lơh Pơrjum dờng dunia FIATA tàm nam 2025.

Pà git tŭ do, Cíñ phủ lơgar Việt Nam gam lơh Broă lơh jŏ jòng bơtàu tơnguh broă lơh drơng ala logistics Việt Nam tơngai lơh broă bơh nam 2025 tus 2035, wèt tus nam 2045, Thủ tướng sồr FIATA tam pà bal jơnau tơngit, jơnau pơlam, dong kờl bè tam gơl sồ mờ tam gơl tơlir, sền kwơ ală broă lơh bơtàu tơnguh loigistics lơh sa suơn sre, lơh sa mờ măi mok, bơtàu tơnguh mpồl ơhò dà lềng lơgar Việt Nam, ală gah lơh sa kă bro – pơn diang phan mờ dong kờl bơta chài nàng lơgar Việt Nam gờñ lơh gơs broă lơh Jŏ jòng dà lơgar dê bè bơtàu tơnguh broă lơh drơng ala logistics tàm nam 2024.