Wă mò Khamphao Ernthavanh, Đại sứ lơgar Lào tàm lơgar Việt Nam, Thủ tướng Phạm Minh Chính đơs nền lơgar Việt Nam mờ lơgar Lào geh bơta git gơ̆p kwơ màng, là phan bơna kwơ màng ngan mờ tơl nă làng bol bàr lơgar ndrờm geh kơnòl prăp gàr, bơ̆t boơtàu sùm mờ bơtàu tơnguh.

Thủ tướng kơ̆p kờñ anih lơh broă geh gơnoar bàr lơgar pơgồp bal niam rơlao tai, lơh ngan bơsong ală bơta gơkòl nàng ai lơh broă bal lơh sa, kă bro, bơcri priă in. Kung tàm mho òr (19/03), Thủ tướng ồng Phạm Minh Chính neh wă Đại sứ lơgar Hàn Quốk tàm lơgar Việt Nam ồng Choi Young Sam di tàm dơ̆ sơn đờm lơh kơnòl broă tàm lơgar Việt Nam. Thủ tướng sồr bàr gah pơn jăt tai lơh pràn lơh broă bal kă bro bơtàu tơnguh niam jăt gùng dà ndrờm bal, kơl jăp; lam sồr ală mpồl lơh sa kă bro lơgar Hàn Quốk pơn jăt tai pờ ơnàng broă bơcri priă, tàm hơ̆ sền kwơ tàm ală gah broă lơgar Hàn Quốk geh bơta pràn bè lơh sa mờ măi mok niam chài, điện tử, lơh ơhò mờ ală gah broă pa geh pơnrơ bè ƀán zẫn.