Chờ gờm Mpồl kwang bàng lơh broă bơh IMF tus còp mờ lơh broă tàm lơgar Việt Nam, Thủ tướng ồng Phạm Minh Chính pin dờn bơh ală dơ̆ lơh broă mờ ală anih lơh broă, mpồl lơh broă gơrềng bal lơgar Việt Nam dê, Mpồl kwang bàng neh git bè broă lơh sa mpồl bơtiàn lơgar Việt Nam dê tàm nam 2023 mờ ală nhai bồ nam 2024.

Kwang lam bồ Đoàn Điều IV bơh IMF lam sồr lơgar Việt Nam pal pơn jăt tai lơh gơs gùng dà broă lơh, ai geh tiah kă bro ndrờm bal; tơnguh broă atbồ, rơcang kơrian sa kuề sa koà; tơn jơh ală bơta gơkòl nàng hòi jà bơcri priă, tàm hơ̆ uă ngan là tàm gah bơtàu tơnguh phan bơna, năng lượng lơh geh wơl… Ưn ngài ală broă dong kờl bơh IMF ai lơgar Việt Nam in, tàm hơ̆ uă ngan là tàm broă pơlam gùng dà broă lơh, Thủ tướng Cíñ phủ ồng Phạm Minh Chính sồr IMF pơn jăt tai tam pà bal, tơrgùm sùm ală jơnau đơs, yal lài bè bơta geh lơh sa gùt plai ù, gơrềng tus ală gah lơh sa tàm tiah do mờ pơlam ală broă đơng lam dờng lơgar Việt Nam in; tơnguh bơta git gơ̆p, lơh broă bal, dong kờl bơta chài mờ bơto tàm ală gah broă bè atbồ lơh sa, atbồ kes priă, broă lơh priă jền, pờ ơnàng lơh broă bal, bơto cau lơh broă ai lơgar Việt Nam in nàng tơnguh uă bơta pràn tơrgùm bal mờ ală lơgar.