VOV4.K’ho- Mho ngai 06/09, Thủ tướng Cíñ phủ ồng Phạm Minh Chính wă ồng Khuong Sreng, Kwang ătbồ ƀòn dờng mơkung là Kwang ătbồ Đảng ƀộ Đảng làng bol Campuchia càr lơgar Phnom Penh, lơgar Campuchia gam còp mờ lơh broă tàm càr lơgar Hà Nội mờ ƀòn dờng Hồ Chí Minh.

Tàm dơ̆ wă, Thủ tướng ồng Phạm Minh Chính đơs, tơngai lài, lơh broă bal đah bàr lơgar geh gàr sùm bơtàu tơnguh sùm; Kwang đơng lam bồ kâp dờng bơh bàr lơgar dê sùm tìp măt, cribơyai sùm, kwơmàng là dơ̆ tìp măt kwang bàng kâp dờng đah Tổng Ƀí thư ồng Nguyễn Phú Trọng, Củ tịc Đảng Làng bol Campuchia, Thủ tướng Cíñ phủ lơgar Campuchia ồng Samdech Techo Hun Sen mờ Tổng Ƀí thư, Củ tịc lơgar Lào ồng Thongloun Sisoulith; ală mpồl lơh broă bal 2 gah pơn jăt tai lơh broă geh cồng nha. Thủ tướng sồr bàr gah pơn jăt tai bal mờ gơ̆p lơh broă bal tơnguh bơta gĭt gơ̆p đah bàr lơgar tàm ală gah broă lơh; sền gàr mờ bơ̆t bơtàu gùng nhàr lơgar ring lơngai, gĭt gơ̆p lơh bơyô, lơh broă bal mờ bơtàu tơnguh, bơtàu tơnguh lơh sa mpồng nhàr lơgar; ai tơl bơta ƀươn ai ală mpồl lơh sa kă bro bàr lơgar in bơcri priă, lơh broă, lơh broă bal lơh sa kă bro; sơlơ lơh broă bal bơto bơtê, tìp măt lơh kwèng bal bơta niam chài mờ nhơl chờ.

Cau mblàng Lơ Mu K’Yến