Tàm dơ̆ wă, Thủ tướng ồng Phạm Minh Chính pà git lơgar Việt Nam lơh jăt sùm gùng dà broă lơh bal krơi is, lơh tờm, ring lơngai, lơh broă bal mờ tơnguh bơtàu, uă bơta, uă lơgar; bơ̆t bơtàu lơh sa krơi is, lơh tờm pơgồp bal mờ broă rơcang lài, tơrgùm bal dunia jrô ơnàng, mùl màl, geh cồng nha.

Đại sứ lơgar Bỉ tàm lơgar Việt Nam ồng Karl Van Den Bossche đơs tờm, lơgar Bỉ kơ̆p kờñ tơnguh broă lơh bal mờ lơgar Việt Nam tàm ală gah broă, tàm hơ̆ uă ngan là tàm bơta bàr lơgar gam tơnkah 50 nam crơng gơs bơta git gơ̆p lơh broă bal mờ lơgar ndai, đơs niam broă Cíñ phủ lơgar Việt Nam neh tơlik broă rơndăp lơh ồs đèng VIII, do là tơngu me kwơ màng nàng ală mpồl lơh sa kă bro bơyai lơh ală rơndăp lơh ồs đèng. Thủ tướng kơ̆p kờñ Đại sứ ồng Karl Van Den Bossche pơn jăt tai lơh pràn, hòi jà ală mpồl lơh sa kă bro lơgar Bỉ bơcri priă tàm lơgar Việt Nam, tàm hơ̆ uă ngan là tàm ală gah broă pa geh pơnrơ bè tam gơl sồ, tam gơl bơceh pa, tam gơl tơlir.