VOV4.K’ho- Mho ngai 13/07, tàm Cơldŭ lơh broă Cíñ phủ, Thủ tướng Cíñ phủ ồng Phạm Minh Chính neh wă mò Pauline Tamesis, Kwang đơng pơlam broă lơh broă sùm tàm Liên hợp quôk tus jun Sră pơyoa dờp kơnòl lơh broă bơh Tổng Thư kĭ Liên hợp quôk dê, sơnđờm mut lơh tơngai lơh broă tàm Việt Nam.

Tàm dơ̆ wă, Thủ tướng pà gĭt, Việt Nam neh lơh ngan mờ geh uă tă pơgồp tàm ală broă lơh bơh Liên hợp quôk dê, tàm hơ̆ geh at gơnoar broă geh cồng nha tơngai lơh broă Ủy viên ờ lơh broă sùm Hội đồng Bảo an Liên hợp quôk dê, sơlơ tơnguh tă pơgồp mpồl ling tus bal ală broă lơh sền gàr bơta ring lơngai bơh Liên hợp quôk dê. Thủ tướng Cíñ phủ kơ̆p kờñ Liên hợp quôk geh pơn jat tai lòt bal mờ dong kờl geh cồng nha Việt Nam tàm gùng lòt mờr tus, ngan là tàm broă lơh ală jơnau kờñ bơtàu tơnguh kơ̆ kơljap, bơtàu tơnguh wơl tơnơ̆ kòp dờng, sền gàr mờ dong kờl rài kis mpồl bơtiàn, dong kờl lơh jat ală jơnau hơ bè tam gơl trồ tiah. Thủ tướng đơs ngan, Cíñ phủ Việt Nam geh pơn jat tai sơlơ tơnguh ală broă lơh lơh broă bal mờ Liên hợp quôk mờ ai tơl ală bơta niam ngan rlau jơh dilah gơtùi ai ală mpồl Liên hợp quôk in lam lơh geh cồng nha ală broă lơh, rơndap broă lơh tàm Việt Nam.

Cau mblàng K’Hạnh