Thủ tướng Cíñ phủ ồng Phạm Minh Chính tơlik nùs nhơm git jơnau mờ ală broă lơh bơh Ngân hàng Dunia dê gơwèt mờ broă bơtàu tơnguh lơh sa – mpồl bơtiàn lơgar Việt Nam dê bơh nam 1993 tus tŭ do, mờ khà priă gơguh tus 24 tơmàn dolar Mỹ; kơ̆p kờñ Ngân hàng Dunia pơn jăt tai lơh broă bal, dong kờl lơgar Việt Nam lơh ală broă lơh, dong kờl nàng lơh pràn gơguh lơh sa kơl jăp, bơtàu tơnguh lơh sa tơlir, lơh sa sồ, lơh sa gơlòt bal, lơh sa tam pà bal, lơh sa ngăc ngar.

Phó Củ tịc Ngân hàng Dunia mò Manuela V. Ferro pà git, Ngân hàng Dunia neh pin dờn mờ lơh Cơl dŭ lơh broă tiah Ngân hàng Dunia tàm 3 lơgar Việt Nam, Lào mờ Campuchia tàm Hà Nội; ai tơngŏ Ngân hàng Dunia kơ̆p kờñ mờ tŭ lơi kung rơcang lơh broă bal nền nòn mờ lơgar Việt Nam nàng broă lơh bơh Cơl dŭ lơh broă tàm tiah do lơh broă geh cồng nha uă, cèng geh bơta kwơ ai jơh 3 lơgar in.