Thủ tướng ồng Phạm Minh Chính pơn jờng Phó Thủ tướng, Ƀộ trưởng Quốk phòng lơgar Australia tus còp lơgar Việt Nam.

Kwang đơng lam Cíñ phủ lơgar Việt Nam đơs niam cồng nha lơh broă bal sền gàr dà lơgar đah bàr lơgar tàm tơngai do, là bơta niam tàm broă lơh, lơh broă bal đah bàr lơgar dê, tàm hơ̆ uă ngan là tàm broă bơto, gàr niam bơta ring lơngai Liên hợp quốk, lơh sơnơm ling klàng, tàm hơ̆ uă ngan là Pơrjum Ƀộ trưởng Quốk phòng ală lơgar tàm mpồl ASEAN pờ ơnàng (ADMM+). Thủ tướng ồng Phạm Minh Chính sồr bàr gah pơn jăt tai lơh jăt ală gah broă lơh broă bal gam geh tŭ do, ai lài broă lơh pràn lơh broă bal tàm broă sền gàr bơta ring lơngai Liên hợp quốk; sồr lơgar Australia sền gròi tus mờ broă dong kờl pơn diang Hìu sơnơm ing kấp 2 bơh lơgar Việt Nam tus lơgar đah jum Sudan tàm nam 2023, kung bè ală nam pơn jăt tai, bơh tŭ hơ̆, tơlik kơnòl bơh bàr đah gơwèt mờ ală broă bal dunia dê.