Tàm dơ̆ wă rò, Thủ tướng ồng Phạm Minh Chính tơngŏ bơta chờ hờp tŭ gĭt gơ̆p 2 lơgar lơh geh uă bơta bơtàu tơnguh niam ngan. Lơgar Bỉ sùm ơm tàm mpồl ală lơgar tam klăc lơh broă bal kă bro dờng khà dùl bơh lơgar Việt Nam dê tàm Mpồl Tam klăc câu Âu (EU) mờ lơgar Việt Nam là lơgar tam klăc lơh broă bal kă bro dờng ngan rlau jơh bơh lơgar Bỉ dê tàm mpồl Asean; lơh broă bal đah Quôk hội lơgar Việt Nam mờ Nghị viện lơgar Bỉ geh ală bơta bơtàu tơnguh pa.

Tơngai tus, Thủ tướng sồr 2 gah pơn jăt tai sơlơ tàm pơgơl ală mpồl kwang bàng lòt còp bal mờ gơ̆p, ngan là kâp dờng; sơlơ lơh broă bal bè lơh sa, kă bro, bơcri priă, lơh ngan ai priă lơh geh bơh kă bro đah 2 lơgar gờñ lơh geh 7 tơmàn dolar Mỹ tàm bàr pe nam tus. Củ tịc Thượng viện lơgar Bỉ đơs nền, Thượng viện lơgar Bỉ rơ̆p lơh ngan tơnguh gĭt gơ̆p đah Việt Nam mờ Bỉ bơtàu tơnguh jrô ơnàng rlau tai bơh uă broă lơh, lơh broă, rơndăp broă lơh loh làng, tàm hơ̆ geh ală broă mờ Thủ tướng neh đơs, ngan là bè tam gơl pa bơceh lơh, bơtàu tơnguh kă bro, tàm tơrbŏ bal ală drà tăc bro phan mờ dong kờl cau gơtìp sơnơm khih dioxin lơh aniai tàm lơgar Việt Nam.