Thủ tướng Cíñ phủ ồng Phạm Minh Chính đơs sùm, lơgar Việt Nam mờ lơgar Tây geh bơta gĭt gơ̆p lơh bơyô bal, ờs mờng bơh yau, tàm pơgồp bal bè tơl ală broă; đơs nền lơgar Việt Nam sùm sền lơgar Tây là lơgar tam klăc lơh broă bal kwơmàng tàm gùng dà broă lơh lơh broă mờ lơgar ndai bơh he dê. Thủ tướng Cíñ phủ sồr bàr gah pơn jăt tai sơlơ tàm pơgơl mpồl kwang bàng ală kâp lòt còp bal mờ gơ̆p, lam lơh jăt cồng nha cribơyai tàm điện thoại kwang bàng kâp dờng đah Tổng Ƀí thư ồng Nguyễn Phú Trọng mờ Kwang ătbồ lơgar Tây ồng Emmanuel Macron nhai 10 nam 2023.

Wă rò Đại sứ lơgar Tây Ban Nha ồng Carmen Cano de Lasala, Thủ tướng đơs nền lơgar Việt Nam sùm sền dờng màng mờ kơ̆p kờñ ai gĭt gơ̆p Tam klăc lơh broă bal jŏ jòng mờ lơgar Tây Ban Nha gơguh dồ gơnoar broă pa. Thủ tướng sồr 2 lơgar ngui jơh ală tŭ niam mờ Hiệp địñ EVFTA cèng wơl; sồr lơgar Tây Ban Nha pờ mpồng drà kă bro ai ală bơta phan bơh lơgar Việt Nam, kwơmàng là phan lơh geh bơh lơh broă sa sươn sre, điện tử, phan tàñ mai.