Thủ tướng jờng rơ ngan gơnoar broă mờ broă lơh ngan bơh mò Kwang ătbồ dờng WTO dê tàm broă đơng lam mờ lơh jăt ală broă lơh bơh WTO dê; chờ hờp mò Kwang ătbồ dờng tài bơh ală cồng nha pal cih dờp ngan neh lơh geh kờp bơh tŭ dờp ăt gơnoar broă Kwang ătbồ dờng WTO bơh nhai 03 nam 2021. Thủ tướng đơs nền, là dùl lơgar tàm mpồl geh kơnòl ngan bơh WTO dê, lơgar Việt Nam sồr lơh jăt niam gơnoar broă rơcăng lài, jơh nùs tàm ală tơngume lơh broă bal bơh WTO dê, lơh ngan lơh jăt wil tơl ală jơnau hơ mờ tă pơgồp uă ngan tàm nùs nhơm bơ̆t bơtàu gơwèt mờ ală broă sền gròi bal tàm WTO; Thủ tướng kơ̆p kờñ să tờm mò Kwang ătbồ dờng WTO pơn jăt tai kờñ bal lơh jăt ală broă lơh lơh broă bal, dong kờl priă jền, bơta chài bơh WTO dê nàng kờñ dong Việt Nam tơnguh uă cồng nha mŭt gơrờm bal lơh sa mờ dunia, pơn jăt tai tă pơgồp ngan ngồn tàm ală broă lơh bơh WTO dê.