Tàm dơ̆ wă rò, Thủ tướng sồr 2 gah pơn jat tai sơlơ tơnguh tai lơh broă bal tàm gah broă kơlôi sơnơng jak chài măi mok hạt ñân ngai sơlơ mut lơh broă jrô ơnàng làm uă mờ ngan ngồn, geh cồng nha rlau, tài jơnau kờñ ring lơngai, ngan là broă gàr tơl năng lượng, drơng rài kis lơh broă sa bơh làng bol dê, mờ broă rơndăp lơh lơh broă bal niam ngan, jŏ jòng mờ ală rơndăp broă lơh geh ngan, lơh jài ai geh mờng chài lơh broă jài, jat tàm ală bơta hơ̆, rề ơnàng tus ală gah geh ngan bè lơh sa mờ măi mok, lơh sa suơn sre, gah lơh sơnơm, jun pơndiang phan.

Kwang atbồ dờng Tập đoàn Năng lượng Nguyên tử lơgar Nga đơs nền jat tàm ală bơta niam bơnĕ ngan, đah lơgar Nga mờ Rosatom kơ̆p kờñ pơn jat tai sơlơ tơnguh lơh broă bal mờ lơgar Việt Nam tàm ală gah broă mờ Thủ tướng neh đơs tus, ngan là kơlôi sơnơng bè jak chài hạt ñân mờ ală gah ndai bè bơtàu tơnguh ồs đèng càl; rcang tàm pà mờng chài lơh broă, dong kờl lơgar Việt Nam tơnguh uă bơta pràn jak, bơto bơtê mpồl lơh broă, sơlơ tơnguh lơh broă is tàm lơgar lơh uă ngan tàm ală gah do.