VOV4.K’ho- Mho ngai 10/03, Thủ tướng Cíñ phủ ồng Phạm Minh Chính wă rò mò Deborah Paul, Đại sứ Canada lòt tơngăc. Tàm dơ̆ wă rò, Thủ tướng ồng Phạm Minh Chính chờ hờp bal mờ mò Đại sứ tơn jơh lơh kơnòl broă niam bơnĕ tàm tơngai lơh broă tàm Việt Nam, jờng rơ ngan ală tă pơgồp uă ngan bơh Đại sứ dê neh pơgồp bơnah ai bơta gĭt gơ̆p Tam klăc lơh broă bal tơl làm đah Việt Nam mờ Canada bơtàu tơnguh ngai sơlơ geh cồng nha, ngan ngồn tàm jơh ală gah broă.

Nam 2021, priă geh bơh kă bro đah 2 lơgar lơh geh rlau 6 tơmàn dolar Mỹ, gơguh 19% pơndrờm mờ nam 2020. Thủ tướng ki ngàm mờ ưn ngài Cíñ phủ bal mờ làng bol lơgar Canada neh dong kờl vaccine ai Việt Nam in bơh Broă lơh COVAX, pơgồp bơnah dong Việt Nam gơdờp bal ờdo ờdă ngăc ngar, gròi sền geh cồng nha kòp bơtờp, pin dờn pờ mpồng mờ bơtàu tơnguh wơl, bơtàu tơnguh lơh sa- mpồl bơtiàn. Thủ tướng sồr bàr lơgar pơn jăt tai sơlơ lơh broă bal, ngan là tàm lơh sa- kă bro- bơcri priă, sơndră wơl mờ kòp bơtờp mờ tam gơl trồ tiah, gơguh lơh sa tơlir, kơ̆ kơl jăp jŏ jòng, bơto mpồl cau lơh broă jak chài...

Cau mblàng Lơ Mu K’Yến