Ala măt Kwang đơng lam bồ Đảng, Dà lơgar, Thủ tướng Cíñ phủ phỉ neh pơyoa jơnau tus ală cau pơgru, ală kơnòm bơsram tàm hìu bơsram kấp bàr kâp pe Nguyễn Đình Chiểu đơs is mờ ală cau pơgru, ală kơnòm bơsram tàm gùt lơgar đơs bal jơnau niam să, jơnau còp să bal mờ jơnau chờ gờm niam bơnĕ ngan.

Chờ gờm nam bơsram 2024-2025 bơh ală cau pơgru bal mờ kơnòm bơsram tàm gùt lơgar geh tai uă jơnau chờ, lơh geh uă cồng nha uă rơlao, lơh geh uă cồng nha niam rơlao mờ nam bơsram lài. Thủ tướng chờ gờm Hìu bơsram, ală cau pơgru, ală cau mè bèp, tàm hơ̆ uă ngan là ală kơnòm bơsram kấp bàr, kâp pe Nguyễn Đình Chiểu dê. Ală kơnòm bơsram mùl màl là ală cau lam lài bơh broă lơh ngan, sơrlèt kal ke, glar bòl mờ bơta ờ pràn bơh să jan dê nàng bơsram geh ală cồng nha pal pơnyờ să ngan, sùm lơh àng sơrdah hìu bơsram geh măt sơnđan cau tiơng pơnrơ Nguyễn Đình Chiểu dê.