VOV4.K’ho- Thủ tướng Phạm Minh Chính pa kĭ sră nggal bè broă chul chồl ală Ƀộ, gah broă lơh, ală càr, ƀòn dờng lam lơh kơnòl broă jal mhar lam lơh jat Broă lơh bơtàu tơnguh wơl mờ bơtàu tơnguh lơh sa- mpồl bơtiàn. Sră nggal đơs loh: Nàng gàr niam lam lơh jơh nùs, ring bal, tơnguh mơ cồng nha bơh Broă lơh bơtàu tơnguh wơl mờ bơtàu tơnguh lơh sa- mpồl bơtiàn dê, Thủ tướng Cíñ phủ neh sồr ală Ƀộ, anih lơh broă, ală càr, ƀòn dờng lam lơh jơh nùs, geh cồng nha rlau tai ală kơnòl broă, broă lơh geh ai tơlik tàm Nghị quyết sồ 11 bơh Cíñ phủ dê.

Tàm tơngai lài, ală Ƀộ, anih lơh broă, ală càr, ƀòn dờng neh jơh nùs lam lơh ală kơnòl broă, broă lơh ai tơlik tàm Nghị quyết sồ 11 bơh Cíñ phủ dê. Bulah bè hơ̆ tơngai lam lơh uă kơnòl broă tus tŭ do kung gam lơyài, ngan là broă ai tơlik ală sră nggal pơlam lơh jat, lơh gơ rềng tus broă lam lơh ală jơnau kờñ, broă lơh ai tơlik tàm broă lơh. Thủ tướng Cíñ phủ sồr Ƀộ Kế hoạc mờ Đầu tư, Ƀộ Giáo zụk mờ Đào tạo mờ ală Ƀộ, anih lơh broă lơyài lơh gơs ală kơnòl broă geh jàu tàm nhai 3 nam 2022 pal nền nòn ai mờng chài, ờ gŏ di pơn jat tai lơyài.

Cau mblàng K’Duẩn