Đại họk Bơt bơtàu Bucharest là hìu bơsram đại họk dờng, geh bơngă pin dờn mờ mìng dùl lơm bơh lơgar Romania dê tơrgùm jơh ai broă bơto bơtê bơta chài ngui tàm rài kis làng bol. Đơs mờ kwang đơng lam bồ mờ mpồl ală kwang bàng, giáo sư, pơgru hìu bơsram dê, Thủ tướng Cíñ phủ Phạm Minh Chính yal wơl tŭ tơngai mờr 75 nam bơta git gơp Việt Nam – Romania.

Đơs nền, Việt Nam sùm sền dờng màng bơta git gơp lơh bơyô bal ờs mờng mờ lơh broă bal niam bơnĕ mờ lơgar Romania, kơp kờñ tàm gah bơto bơtê mờ bơsram, Hìu bơsram pơn jat tai đòm jat gơnoar broă là dùl hìu bơsram khà dùl bơh lơgar Romania dê tàm broă sơlơ tơnguh bơta git gơp lơh broă bal bè bơto bơtê mờ bơsram, kơlôi sơnơng jak chài măi mok, ngan là ală gah là bơta pràn bơh Hìu bơsram dê mờ ală  hìu bơsram, mpồl lơh broă bal geh gơ rềng bơh lơgar Việt Nam dê; pơgồp bơnah sơlơ tơnguh tai bơta git gơp lơh broă bal đah 2 lơgar.