Jat broă lơh, tàm dơ̆ lòt còp lơgar Lào, Thủ tướng Phạm Minh Chính geh dơ̆ tìp mat cribơyai broă mờ Thủ tướng Lào ồng Sonexay Siphandone; lùp còp Tổng Ƀí thư, Củ tịc lơgar Lào ồng Thongloun Sisoulith; tus bal dơ̆ tơn jơh nam Tam klac lơh bơyô Việt Nam – Lào, Lào- Việt Nam 2022; tìp mat cribơyai broă mờ Củ tịc Quôk hội lào ồng Saysomphone Phomvihane; còp ală kwang bàng lài do là kwang đơng lam bồ Đảng, Dà ơgar; đơng lam bal pơrjum dơ̆ 45 bơh Ủy ƀan 2 Cíñ phủ Việt Nam – Lào dê; tus bal pơrjum lơh broă bal bơcri priă Việt Nam – Lào; tìp mat mpồl cau Việt Nam tàm lơgar Lào.

Dơ̆ lòt còp ngan ngồn lơgar Lào bơh Thủ tướng Phạm Minh Chính mờ Mpồl kwang bàng kâp dờng Việt Nam dê pơgồp bơnah lơh kơ̆ kơljap, sơlơ tơnguh bơta git gơp lơh bơyô dờng màng, tam klac kuơmàng, lơh broă bal tơl làm, rềp mềr, pin dờn bal đah 2 Đảng, 2 dà lơgar Việt Nam- Lào.