Đơs tàm dơ̆ tìp mat, ala mat kwang đơng lam bồ Đảng, Dà lơgar, Thủ tướng Phạm Minh Chính jờng rơ, cih dờp mờ jơh nùs nting bơr gờm chờ ală cồng nha, bơta tă pơgồp bơh mpồl ală cau lơh broă niam chài, cau cih sră, cau chài tàm gah đơs crih tamya ling klàng; ală rơnàng kwang bàng, cau pơgru, cau bơsram, cau lơh broă, cau ling bơh hìu bơsram dê. Thủ tướng kơp kờñ hìu bơsram tàm nam 2024 lơh geh cồng nha niam rlau mờ nam 2023, tơngai tơnơ̆ jơnhua rlau mờ tơngai lài.

Di dơ̆ rơcang wă rò sa tềp dà lơgar nam pa Giáp Thìn, ala mat kwang đơng lam bồ Đảng, dà lơgar, Thủ tướng nting bơr ală kwang ala mat mờ kwang bàng, cau pơgru, cau lơh broă, cau ling Hìu bơsram Đại học Văn hóa Nghệ thuật ling klàng pràn kơldang, lơngap lơngai, bơtàu tơnguh, nam pa lơh geh cồng nha pa.