Rơcang wă rò sa tềp dà lơgar, tơngai lài, Tiah lơh sa Nghi Sơn mờ ală Tiah lơh sa mờ măi mok gơ wèt neh jàu pà đoàn viên, cau lơh broă in rlau 7 rbô 300 bơnah phan mờ kờp jơh khà priă rlau 4 tơmàn 500 tơlak đông. Đơs tàm do, Thủ tướng Phạm Minh Chính pơyua tus jơh gùt kwang bàng, oh mi cau lơh phan, cau lơh broă, ala mat ală hìu bơnhă geh sră dong kờl bơh dà lơgar, hìu bơnhă geh rài kis kal ke jơnau lùp còp đềt mềr, jơh nùs mờ jơnau nting bơr niam ngan rlau jơh.

Thủ tướng đơs nền, mờ nùs nhơm sền kòn bơnus là tờm, là jơnau kờñ, là bơta gơn kơnờm, bơta pràn bơtàu tơnguh, Đảng, Dà lơgar sùm sền gròi nàng làng bol in geh rài kis ngai sơlơ hờm ram, gơboh gơbài. Thủ tướng kơp kờñ ală cau rƀah, ndrờm bè cau rƀah pal tơnguh rlau tai nùs nhơm brồ guh is, pơn đơl pràn is mờ bơta kơp kơnờm brồ guh lik klàs rƀah kơ̆ kơljap jŏ jòng sùm. Oh mi cau lơh phan, cau lơh broă lơh ngan tĕ sơrlèt gan kal ke, gàr kơ̆ kơljap rài kis.