VOV4.K’ho- Mho ngai 01/3, Thủ tướng Cíñ phủ ồng Phạm Minh Chính neh cribơyai tàm điện thoại mờ ồng Kasper Rorsted, Kwang atbồ Tập đoàn Adidas nàng cribơyai bè ală broă lơh tơnguh broă lơh sa kă bro bơh Adidas dê tàm Việt Nam. Tàm dơ̆ cribơyai tàm điện thoại, Thủ tướng ai tơnggŏ bơta pin dờn, Tập đoàn Adidas geh lơh geh ală cồng nha dờng màng rlau tai mờ  pơn jat tai chồl pràn broă lơh sa kă bro tàm lơgar Việt Nam, geh broă lơh gơlik bơta niam ai ală mpồl lơh sa kă bro Việt Nam in tus bal uă rlau tai tàm ròt mpồl tac phan gùt plai ù bơh Adidas dê.

Thủ tướng sồr Tập đoàn pơn jat tai tơnguh niam kơnòl broă mpồl bơtiàn bơh mpồl lơh sa kă bro dê, sền gròi gàr niam broă lơh dong kờl mờ lơh gơlik bơta ƀuơn nàng lơh broă niam ai cau lơh broă Việt Nam in. Thủ tướng tam pà broă lam lơh lài ngan bơh Việt Nam dê bè gơguh lơh sa tơlir, tơrmù tuh tơlik phan ƀơ̆ mờ đơs niam jơnau hơ pơrgon bơh Adidas dê bè lơh sa kă bro kơ̆ kơljap gơ jat bal mờ sền gàr tiah ơm kis, ngui năng lượng dùl bă geh cồng nha. Thủ tướng ai tơnggŏ bơta kơp kờñ Adidas geh pơn jat tai pơgồp bơnah tơnguh git gơp lơh broă bal lơh sa- kă bro- bơcri priă đah Việt Nam mờ lơgar Đức mờ Mpồl tam klac câu Âu.

Cau mblàng K’Duẩn