Tàm dơ̆ pơrjum, ală kwang bàng Cíñ phủ cribơyai sền swì ai jơnau đơs, lơh nền gơ wèt mờ 11 tơngume geh 6 rơndăp lơh adat, geh: Rơcăng gàr làng hơđang kơlwàng trồ làng bol; Ătbồ, ngui phan tam lơh, siau phàu bơrtoh mờ phan ngui dong kờl (tam gơl); Phan lời wơl niam chài (tam gơl); tam gơl, bơtơl bàr pe bơta bơh Adăt Ală jơnau sồr mờ Jơnau sồr pal jăt bơta chài; tam gơl, bơtơl bàr pe bơta bơh Adăt Sơnơm tơm ba dê. Mơkung sền swì sồr lơh ală adăt: Groăt, kâp cribơyai broă mờ lơgar ndai; Gah rơndeh par (tam gơl); Gùng rơndeh ồs (tam gơl); Phan tàm dơlam ù mờ Phan kwơ tàm ù; Lơh sa mờ măy mok măy mok sồ; mờ sồr bè Broă lơh lơh adăt boh lam, kơrnoăt sồr nam 2025, tam gơl Broă lơh lơh adăt boh lam, kơrnoăt sồr nam 2024. Jăt Thủ tướng đơs, 11 tơngume geh sền swì ai jơnau đơs, lơh nền tàm dơ̆ pơrjum Cíñ phủ mìng dồ tơngume nhai 02 nam 2024 ndrờm là ală tơngume kwơmàng, kal ke, kal ke ngan, geh gơrềng uă ngan tus broă lơh ală adăt boh lam dồ ròt bal, lơh sir, pa, ai tơl bơta pràn ai bơtàu tơnguh in.

Thủ tướng Cíñ phủ sồr ală Ƀộ trưởng, Kwang ătbồ ală anih lơh broă gơ wèt Cíñ phủ yờ tơnguh uă nùs nhơm, kơnòl broă, să tờm đơng lam, sồr lơh, ai tơlik bồ tơngoh kơlôi sơnơng, gùng dà cribơyai jơnau tàm sră pơ àr, gùng dà lơh broă nàng lơh kơrnoăt boh lam, lơh di tơngai, tơnguh uă bơta niam; tơrgùm bơta pràn, cau lơh broă ai broă lơh lơh kơrnoăt boh lam in...