Đơs tàm dơ̆ pơrjum, Thủ tướng sồr ală kwang bàng Cíñ phủ mblàng nền nòn ală broă tàm lơgar rềp bal mờ tàm dunia, đơs tus ală bơta ƀuơn, bơta kal ke nàng geh broă lơh dipal; ai tơlik ală kơnòl broă, broă lơh, ngui uă ngan rlau jơh tŭ niam, bơta ƀuơn, tă bơsong kal ke bơh mpồl lơh sa kă bro, làng bol dê nàng sơlơ chồl pràn bơtàu tơnguh.

Jat jơnau yal, broă lơh sa mpồl bơtiàn tàm nhai 2 mờ 2 nhai bồ nam pơn jat tai gàr sùm kơ̆ kơljap, uă gah bơtàu tơnguh mờ ală bơta niam. Kờp jơh priă lơh geh bơh tac, blơi phan bơh lơgar ndai nhai 2 gơguh 6,1% pơndrờm mờ nhai 1. Lơh sa suơn sre, brê bơnơm, phan tàm dà kơ̆ kơljap mờ geh bơta gơguh. Lơh sa mờ măi mok geh tềl tơnggŏ bơtàu tơnguh wơl.