VOV4.K’ho- Drim ngai 04/4, tàm hìu lơh broă Cíñ phủ, Thủ tướng Phạm Minh Chính neh đơng lam pơrjum Cíñ phủ ờs mờng nhai 3 sền sơ wì wơl cồng nha nhai 3 mờ sền wơl quý 1 nam 2022. Thủ tướng pà git, broă cíñ trị ờ kơ̆ kơljap, tàm pơrlòng tàm lơgar dờng gơlik geh pràn ngan, khà priă xăng zờu mờ roh bơngă khà priă tàm uă lơgar gơguh jơnhua; broă gơlik geh bơh kòp bơtờp dê kal ke, lơh gơlik bơta kal ke ai rài lơh sa, broă lơh sa, kă bro tàm lơgar in.

Thủ tướng sồr, pal nền nòn sền sơ wì ală broă bè tă priă bơcri dà lơgar kung gam lơyah, ờ hềt pràn; broă phan bơna gơ kòl tàm tiah nhàr dà lơgar geh bơsong niam mơya ờ hềt gơtùi bơsong jơh; ờ uă làng bol tàm tiah sar lơgar ngài gam kal ke; tàm broă cit sơnơm vaccine gam geh nùs nhơm sền ờ sơp, broă cit sơnơm ờ hềt lơh jat tơngai hơ pơrgon bè bơta kơp kờñ, pal mhar bơsong ală bơta ờ niam ờ hềt gơtùi bơsong tàm quý 1 nam 2022; gơ dờp ngac ngar, geh cồng nha mờ ală broă pa bal mờ ală broă digơlan gơlik geh.

Cau mblàng K’Duẩn