VOV4.K’ho- Drim ngai 14/02, Mpồl đơng lam dà lơgar tơn jơh Nghị quyết sồ 19 bơh Pơrjum dơ̆ 6 Ƀan Cấp hañ Đảng dà lơgar khóa 11 dê bè pơn jat tai tam gơl pa broă lơh, adat boh lam bè ù tiah tàm tŭ tơngai tơnguh tơl làm broă lơh tam gơl pa. Ồng Phạm Minh Chính, Ủy viên Ƀộ Cíñ trị, Thủ tướng Cíñ phủ, Kwang atbồ Mpồl đơng lam dà lơgar tơn jơh Nghị quyết sồ 19 neh đơng lam pơrjum.

Tơnơ̆ tŭ iat ală jơnau đơs cribơyai, đơs pơn dut, Thủ tướng Phạm Minh Chính đơs nền 2, 3 kơrnuat pal jat kuơmàng là broă tam gơl Adat Ù tiah gàr niam bơta ring bal mờ ală adat boh lam geh gơ rềng; di mờ thể cế cíñ trị bơh Việt Nam dê. Bè ală kơnòl broă pơn jat tai, Thủ tướng sồr Thường trựk Mpồl đơng lam sồr Mpồl cih gơs mờ ală anih lơh broă geh gơ rềng mhar cih dờp uă ngan rlau jơh ală jơnau đơs bơh ală kwang geh jơng Mpồl đơng lam, ală Mpồl, Ƀộ, gah broă lơh, anih lơh broă dà lơgar mờ ală càr, ƀòn dờng, ală cau jak chài, cau khoa họk, sac rơ wah, ring bal nàng lơh sir ală jơnau yal, jơnau rơcang cih, yal kấp geh gơnoar in tàm tơngai gờñ ngan rlau jơh nàng gàr niam tŭ tơngai lam lơh mờ bơta niam.

Cau mblàng K’Duẩn