Tơnơ̆ tŭ iăt ală jơnau đơs tă pơgồp, đơs pơndŭt pơrjum, Thủ tướng Cíñ phủ Phạm Minh Chính cih dờp, jờng rơ ală Ƀộ, ngàñ, ală tiah, anih lơh broă, mpồl lơh broă geh gơnoar neh lam lơh jat niam ngan kơnòl broă tàm tơngai sa tềp.

Ngan là Thủ tướng cih dờp, ưn ngài, jờng rơ uă ngan ală mpồl lơh broă tàm ală gah broă, gàr niam lơngăp lơngai is, gơnoar tờm, tơl làm kơnhoàl ù tiah, tiah nhàr lơgar bơh Dà lơgar dê; gàr niam bơta kơ̆ kơl jăp cíñ trị, rơndăp tăp sèng, lơngăp lơngai mpồl bơtiàn; gàr niam pràn kơl dang să jan, màng kis bơh làng bol dê tàm dơ̆ chờ hờp wă rò nam pa, wă rò sa tềp Dà lơgar; ală mpồl lơh broă pơs wàs tiah ơm kis gàr niam ai Dà lơgar in àng, tơlir, sàng goh, niam bơnĕ, lơngăp lơngai; drơng broă jơh nùs ngan, geh cồng nha Cỉ thị bơh Ƀan Ƀí thư, Cíñ phủ dê bơyai lơh ai làng bol in wă rò sa tềp.